知識就是經驗的累積和整合

我係順道，一個90後香港人。我哋呢個年代嘅香港人好明白一點，如果只靠一份工既收入就想有自己住處，可以組成一個家庭，係唔易或者冇咩可能，除非有份好高人工嘅工。 有唔少都要有父幹支持，先有自己嘅物業。

除咗工作以外，想要多份收入就會考慮投資。但投資世界，工具、產品眾多，要熟悉當然少不了實際操作，但往往未有好好記錄低操作後嘅分析，或者對個別嘅工具、產品嘅分析。
同CK 討論過後，我哋決定開呢個Blog 去記錄同分享我哋投資經歷同見解，將自己既見解同經驗去整合。

我的投資目標
投資經驗多嘅朋友就知道，你個人越得閒，越容易捕捉更多嘅投資機會。小弟都仲係靠份工搵下食，目前嘅投資方向都主要係作為額外收入來源為主。額外收入來源主要aim for 穩定嘅現金回報，其次係不遜於通脹嘅增長，增長到可以以現金回報支持自己每月嘅生活開支，唔使返工。 雖然都有投機(Speculation)操作嘅經驗，可以做少量分享，但都係有一日唔洗撈嘅時候，先再去深入研究。